“လိုင်စင်အသိမ်းခံရလို့ Sexy မဝတ်ပဲတော့ မနေပါဘူးဆိုတဲ့ နန်းမွေစံ”

“လိုင်စင်အသိမ်းခံရလို့ Sexy မဝတ်ပဲတော့ မနေပါဘူးဆိုတဲ့ နန်းမွေစံ”

Sexy ဆန်ဆန်အဝတ်အစားတွေ ဝတ်စားမှုကြောင့် ဆရာဝန်လိုင်စင် သိမ်းခံလိုက် ရတဲ့ နန်းမွေစံက သူမအနေနဲ့ ဒီဖြစ်ရပ်အပေါ်မှာ ဘယ်လိုမျိုးဆက်လက်လုပ်ဆောင်သွားမလဲဆိုတာ ပရိသတ်ကြီးသိအောင် ဖော်ပြပေးလိုက်ပါတယ်။

ဒီနေ့တင်လိုက်တဲ့ စာရွက်က ပြီးခဲ့တဲ့ ၃ရက်ထဲက ရထားတာပါ။ အခုမှအကုန်လုံးကိုပြလိုက်တာပေါ့နော်။ ဒီလိုစာရွက်တွေကလည်းရှေ့မှာ ၃.၄ရွက်လောက်ရှိနေပါပြီ။ မှတ်တောင်မမှတ်မိတော့ဘူး။ အိမ်ကို တစ်ချိန်လုံးစာရောက်နေတာ။ ဒီလိုတင်လိုက်တော့ စာရွက်က ပရိသတ်တွေလက်ထဲရောက်သွားတာပါ။

ရှေ့ဆက်ပြီးကတော့ အနုပညာအလုပ်တွေဆက်လုပ်သွားမှာပါ။ ဒါပေမယ့် လူတိုင်းက တစ်ချိန်ကျရင် အသက်တွေကြီးလာမှာ အဲ့ချိန်ကျရင် ဘယ်သူမှ မရပ်ခိုင်းလည်းရပ်သွားမှာပါ။ လောလောဆယ်ကတော့ ဆက်လုပ်သွားမှာပါ။ ဆရာဝန်အလုပ်က နဂိုထဲက မလုပ်ဖြစ်ဘူး။ ဆေးခန်းလည်း မဖွင့်ဘူး၊ နောက်ပြီး အစိုးရဝန်ထမ်းလည်း မလုပ်ဘူး။ ဒါပေမယ့် ကိုယ့်အတွက် Effect အရမ်းကြီး မဖြစ်ပေမယ့် ကိုယ်ကြိုးစားခဲ့ရတဲ့ နှစ်တွေအတွက်တော့ နှမြောမိတယ်။ ဒါကဖြစ်လာမယ်ဆိုတာလည်း ကြိုတွေးထားပြီးသားပါ။ တကယ်ကြုံလိုက်တဲ့အချိန်မှာတော့ Shock ရသွားတယ်။ စိတ်မကောင်းလည်းဖြစ်သွားတယ်။

လိုင်စင်က အပ်တာတော့အပ်လို့ရတယ်။ ဒါပေမယ့် MMC ပရော်ဖက်ဆာ တွေကို သွားပြီးတောင်းပန်မယ်လို့တော့ စဉ်းစားထားပါတယ်။ နောက်တစ်ခုက ဒါ Surrender လုပ်တာပေါ့၊ ဒါကို ခဏလေး အပ်ထားပြီးတော့ နောင်တစ်ချိန် ပြန်ထုတ်လို့ရအောင်တော့ ပြောကြည့်မယ်ပေါ့။ ဒါပေမယ့် ရမရတော့ မသိသေးပါဘူး။ ပရိသတ်ကတော့ အမျိုးမျိုးပြောကြတာပေ့ါ။ မွေစံဘက်ကနေ ဝမ်းနည်းပေးကြတဲ့ ပရိသတ်တွေကိုလည်း အရမ်းကျေးဇူးတင်ပါတယ်။ပထမအကြိမ်တုန်းကတော့ သတိပေးတာပေ့ါ။ ဒါတွေမလုပ်ဖို့။ မွေစံဘက်ကလည်း တော်တော်လေး လျော့သွားပါတယ်။ အဲ့ချိန်မှာပဲ မထင်မှတ်ပဲ Press Show တစ်ခုမှာ ဝတ်လိုက်တာကြောင့် ပဲလားတော့ မသိဘူး။ စာကနောက်တစ်နေ့ ချက်ချင်းအိမ်ရောက်လာတာပဲ။ တော်တော်လေးတော့ စိတ်မကောင်းပါဘူး။ ဒီ၁ရက်၂ရက်အတွင်းတော့ အမေတို့နဲ့ သွားပေးဖြစ်မယ်ထင်တယ်။ တောင်းလည်း တောင်းပန်ကြည့်ရမှာပေါ့။ စိတ်မကောင်းဖြစ်ပေမယ့် ကြိုသိပြီးသားဆိုတော့ အရမ်းကြီးတော့ စိတ်ထဲသိမ့်မဖြစ်ပါဘူး။ ကိုယ့်စိတ်ကိုတော့ ခိုင်ခိုင်ထားထားပါတယ်။

သနားခံမယ်ဆိုတာ ဒီအနုပညာအလုပ်ကို မလုပ်တော့ဘူးဆိုပြီးသွားပြောမှာ မဟုတ်ဘူး။ ဒီလတ်မှတ်ကို ခဏလေး အပ်ထားမယ်ပေါ့။ တစ်ချိန်ကျရင် ပြန်ထုတ်ခွင့်ပေးပါဆိုပြီးပြောမယ်ပေါ့။ အခုလည်း ဒီအလုပ်လုပ်ဖြစ်နေတာမဟုတ်ဘူးလေ။ နောင်တစ်ချိန် ၅နှစ်ဖြစ်ဖြစ် ၁၀နှစ်ဖြစ်ဖြစ် သွားထုတ်ဖို့ကိုပြောမယ်လို့စဉ်းစားထားပါတယ်။

နိုင်ငံတကာ မှာဘယ်လိုလုပ်နေလဲတော့ မသိဘူး။ ကျွန်မအထင်ကတော့ ကျွန်မကြောင့် လူနာတွေသေသွားတာလည်း မရှိဘူး။ လူနာတွေတစ်ခုခုဆုံးရှုံးသွားတာလည်း မဟုတ်ဘူး။ ကျွန်မကိုယ်တိုင်လည်း အခကြေးငွေယူပြီးဆေးကုနေတာ မဟုတ်ဘူးလေ။ အဲ့တော့ ဘာမှမဆိုင်တဲ့ Professional နှစ်ခုပေါ့ တစ်ခုမှာယဉ်ကျေးမှုနဲ့ပတ်သတ်ပြီးတော့ သူတို့အနေနဲ့အမြင်မတော်လို့ ဒီဘက်မှာ ဆမ သိမ်းလိုက်တယ်ဆိုတာတော့ မဖြစ်သင့်ဘူးလို့ထင်ပါတယ်။ မြန်မာလိုလည်း ဝတ်ဖြစ်မှာပါ။ Sexy ကလည်း ပွဲငှားတာရှိရင် ဝတ်ဖြစ်သွားမှာပါ။ မျှမျှတတလေး ဝတ်သွားပါမယ်။

အခုဆရာဝန် ဘွဲ့ရထားတဲ့ သရုပ်ဆောင်တွေမှအများကြီးပဲ။ Miss တွေလည်းရှိတယ်။ အများကြီးရှိတယ်ပေါ့နော်။ ဒီလိုတွေအများကြီးထဲမှ ဘာမှမဖြစ်ပဲ မွေစံကျမှ ဆမ သိမ်းတယ်ဆိုတော့ ဘာများ လိုအပ်နေလဲ၊ ဘာများလွဲချော်နေလည်းဆိုတာတော့ မေးစရာရှိပါတယ်။ မွေစံ ဘက်ကနေ သနားပေးကြတဲ့ ပရိသတ်ကြီးလည်း စိတ်မကောင်းမဖြစ်ပါနဲ့ မွေစံအစိုးရနဲ့ အကောင်းဆုံးဖြစ်အောင်ညှိနှိုင်းသွားမှာပါ။ ပရိသတ်ကြီး အားလုံး ကျန်းမာချမ်းသာကြပါစေလို့ သူမကဆုမွန်ကောင်းတောင်းပေးခဲ့ပါတယ်။

Credit: ပြောချင်လွန်းလို့

Leave a Reply

Your email address will not be published. Required fields are marked *