တနိုင်တပိုင် စီးပွားရေးလုပ်နိုင်တဲ့ ပဲတီပင်ပေါက် ဖောက်နည်း

တနိုင်တပိုင် စီးပွားရေးလုပ်နိုင်တဲ့ ပဲတီပင်ပေါက် ဖောက်နည်း

ဒီတခါ ကျွန်တော် ဘဝခါးခါး ပဲတီပင်ပေါက် ဖောက်နည်းကို တဆင့်ခြင်းစီ ပြောပြပေးပါ့မယ်။ ပဲတီပင်ဖောက်တဲ့နေရာမှာ ကျောက်စည်ပိုင်း/ခြင်းတောင်း/ကော်ရေပုံး နှင့် အခြားသော ဗူးငယ်လေးများအထဲတွင် ထည့်ဖောက်လို့ရပါသည်။

ပြုလုပ်ပုံ ပြုလုပ်နည်းကတော့

(၁) ပဲတီစေ့ကို ၈နာရီခန့် ကြိုတင်ပြီးရေစိမ်ထားပေးပါ။

(၂) ဂုန်နီအိတ်နှင့်ပဲအစေ့မကျနိုင်သော သံဇကာပိုက်ကွက်ကို ကိုယ်ထည့်ဖောက်မည့် ကျောက်စည်ပိုင်း/ ခြင်းတောင်း (သို့)အခြားသော ကော်ဗူးတို့၏ ထိပ်ဝဖြင့် အံဝင်ဂွင်ကျ တိုင်းတာပြီး အဝိုင်းသဏ္ဍန် ပိုင်းဖြတ်ပေးပါ။ ပုံမှာ ပြထားသည့် အတိုင်း ပိုင်းဖြတ်ပါ။

(၃) ကျောက်စည်းပိုင်း၏ အောက်ခြေမှာ ရေထွက်ပေါက် ဖောက်ပေးပြီး ပုံမှာပြထားသည့်အတိုင်း စက်ဘီးတာယာကွင်း ကိုခံ၍ အပေါ်မှ သံဇကာ တစ်ထပ်ခင်းပေးပါ။

(၄) ပိုင်းဖြတ်ထားသော ကော်ဇကာပိုက်ကွက်ကို သံဇကာပေါ်မှာထပ်ခင်းပေးပြီး ကော်ဇကာပိုက်ကွက်အပေါ်မှ ဂုန်နီအိတ်စ ထပ်ခင်းပေးပါ။

(၅) အားလုံး ခင်းကျင်းပြီးပါက ရေစိမ်ထားသော ပဲတီစိမ်းအစေ့များကို ခပ်ကြဲကြဲ ဂုန်နီအိတ်စအပေါ်မှာ ဖြူးပေးလိုက်ပါ။

မိမိထည့်ဖောက်ထားသော ကျောက်စည်ပိုင်း အမြင့်ကို တိုင်းတာပြီး ပဲတီပင်၏ အမြင့်ဖြင့် တွက်ချက်၍ ၎င်း အထဲမှာ အထပ်ပေါင်းများစွာ ဝင်ဆံ့သလောက် တစ်ခုပေါ်တစ်ခုထပ်၍ အဆင့်ဆင့် ထိုနည်းတူစွာ ပြုလုပ်လို့ရပါသည်။ စဖောက် သည့်အချိန်မှစ၍ ၄နာရီ တစ်ကြိမ် ရေသန့်ဖြင့်ပုံမှန်ရေဝအောင် ၂ညအိပ် ၃ရက်မြောက်သည့်အချိန်ထိ့ ဂရုတစိုက ရေလောင်းပေးပါ။

၂ ရက်မြောက်နေ့(သို့)၃ရက်မျှကြာသောအခါ ပဲတီအပင်များ ရရှိလာပါလိမ့်မည်။ပဲတီပင်ကို တဆင့်ခြင်း ခွာယူ၍ အမြစ် မစားချင်ပါက ဂုံနီအိတ်စ၏ နောက်ကြောဘက်မှ ဖောက်ထွက်နေသော အမြစ်များကို ဓားဖြင့် လှီးချလိုက်ပါ။ပဲတီအပင်၏ အခွံအမည်းများကို သန့်စင်ချင်ပါက ရေအပြည့်ထည့်ထားသော စည်ပိုင်းထဲမှာ မှောက်၍ ပြောင်စင်သွားသည့်အထိ့ ခါချပေးလိုက်ပါ။

ဤနည်းအားလုံးသည် ဟိုးးလွန်ခဲ့တဲ့ ၂နှစ်ခန့်က youtubeမှာ ဘီဘီစီ ဦးဝင်းမြင့် တင်ပြပေးထားတာကို ကျွန်တော်ကြည့်ဖူး ထားခြင်းကြောင့်ဖြစ်သည်။ ယခုပုံအားလုံးသည် Internet googleမှ ရှာဖွေ၍ ထိုင်း website တစ်ခုမှ ကူးယူ ဖော်ပြခြင်း ဖြစ်သည်။

ပုံတွေကတော့ အစီအစဉ်မကျပါဘူး..အဘယ့်ကြောင့်ဆိုသော် ကျွန်တော့်fileထဲမှ တစ်ပုံခြင်း ပြန်လည်ရှာဖွေစုစည်းရခြင်း ကြောင့်ဖြစ်ပါသည်။ ဗဟုသုတမှန်သမျှ လူတိုင်းအတွက်ရည်ရွယ်တာဖြစ်လို့လွတ်လပ်စွာ Share လုပ်ပြီးတော့ မျှဝေနိူင် ပါသည်။ ငါသိတာ ငါပဲတစ်ယောက်တည်း ကြိတ်ဖတ်မယ်ဆိုတဲ့မြောင်းထဲက အတွေးအခေါ်နဲ့ စိတ်ဓာတ်တွေကို ဖောက်ထုတ်ပစ်ကြပါလို့ ပြောချင်ပါသည်။ ကျေးဇူးတင်ပါတယ်..ကျွန်တော် ဘဝခါးခါး။

Credit:ဘဝခါးခါး

Leave a Reply

Your email address will not be published. Required fields are marked *