မူဆယ်သူ ခရီးသည်တင် မှန်လုံယာဉ်တစ်စီး တိမ်းမှောက်မှုကြောင့် ခရီးသည် ၂ ဦးသေဆုံး ဒဏ်ရာရရှိသူ အများအပြားရှိ

မူဆယ်သူ ခရီးသည်တင် မှန်လုံယာဉ်တစ်စီး တိမ်းမှောက်မှုကြောင့် ခရီးသည် ၂ ဦးသေဆုံး ဒဏ်ရာရရှိသူ အများအပြားရှိ

မန္တလေး – မူဆယ်သွား မူဆယ်သူ ခရီးသည်တင်မှန်လုံယာဉ်လိုင်းမှ ယာဉ်တစ်စီး ဘရိတ်ပေါက် တိမ်းမှောက်မှုကြောင့် ယာဉ်ပေါ်ပါ ခရီးသည် ၂ ဦးသေဆုံးကာ ဒဏ်ရာရရှိသူအများအပြားရှိခဲ့ကြောင်း သိရသည်။

ရှမ်းပြည်နယ်၊ မူဆယ်ခရိုင်၊ မူဆယ်မြို့နယ်၊ မိုင်တိုင်အမှတ် ၂၇၈-၁/၂ ကြား၊ အောက်တုံခံတွင် ဇွန်လ ၁၄ ရက်၊ နံနက် ၈ နာရီ ၅ မိနစ်ခန့်က မန္တလေး – မူဆယ်သွား မူဆယ်သူခရီးသည်တင် မှန်လုံယာဉ်တစ်စီးသည် ဘရိတ်ပေါက်ကာ လမ်းချော်တိမ်းမှောက်ခဲ့ ကြောင်း မူဆယ်မြို့နယ် ယာဉ်ထိန်းရဲတပ်ဖွဲ့ရုံးမှ သိရသည်။

“ဘရိတ်ပေါက်ပြီး လမ်းချော်တိမ်းမှောက်သွားတာပါ။ လောလောဆယ်တော့ ၂ ဦးသေဆုံးသွားတယ်။ ဒဏ်ရာရရှိသူတွေကိုတော့ စိစစ်နေတုန်းပါပဲ။ ယာဉ်မောင်းကိုလည်း ဖမ်းမိထားပါတယ်” ဟု မူဆယ်မြို့နယ် ယာဉ်ထိန်းရဲတပ်ဖွဲ့ရုံးမှ ယာဉ်မှုစစ်ရဲအုပ် အောင် ကိုထက်က အကုန်သိ သတင်းဌာနသို့ ဇွန်လ ၁၄ ရက် နံနက် ၁၀ နာရီ ၁၀ မိနစ်ခန့်က ပြောသည်။

အဆိုပါ ယာဉ်တိမ်းမှောက်မှုကြောင့် တိုးဝင်းထွန်း(ခ)ဝေယံ၊ (၂၆)နှစ် အပါအဝင် အမျိုးသား ၂ ဦးသည် ဒဏ်ရာများရရှိ၍ အခင်း ဖြစ်နေရာတွင် သေဆုံးသွားပြီး မစိုးရိမ်ရဒဏ်ရာရရှိသူ အများအပြားရှိကာ ၎င်းတို့ကို မူဆယ်ဆေးရုံသို့ ပို့ဆောင်နေကြောင်း သိရသည်။

ယင်းဖြစ်စဉ်နှင့်ပတ်သက်၍ ယာဉ်မောင်းဖြစ်သူ ဇော်မင်းသိန်း၊ (၃၄)နှစ်၊ အမှတ်(၂)ရပ်ကွက်၊ တောင်ငူမြို့နယ်နေသူကို ဖမ်းဆီးကာ အမှုဖွင့်နိုင်ရေး ဆောင်ရွက်နေကြောင်း သိရသည်။

Credit#AKonThi

Leave a Reply

Your email address will not be published. Required fields are marked *